რას ნიშნავს „თავიდან აცილებადი მოცდის დრო“?

რატომ არის „თავიდან აცილებადი მოცდის დრო“ მნიშვნელოვანი?

შეკვეთა ადგილზე სრულყოფილად მიტანილად ითვლება მხოლოდ მაშინ, როცა ამ პროცესში მონაწილე ყველა მხარე სათანადო ძალისხმევას იჩენს.

ჩვენს ხელთ არსებული მონაცემების მიხედვით, მომხმარებლებისთვის ძალზე მნიშვნელოვანია შეკვეთების სწრაფად მიღება, შეკვეთების ადგილზე მიტანის დროის გაჭიანურება კი, ხშირ შემთხვევაში, იწვევს შეკვეთების გაუქმებას, უარყოფით შეფასებებსა და ამა თუ იმ ობიექტიდან ხელახლა შეკვეთისგან თავის არიდებას.

როცა კურიერების დიდხანს მოცდა უწევთ, ეს ნიშნავს, რომ ისინი ამ პერიოდში ვერ ახერხებენ სხვა შეკვეთების მიტანას, რაც უშუალოდ მათ შემოსავალზე აისახება. ამას გარდა, როცა კურიერებს ზედმეტად დიდხანს უწევთ ლოდინი, მათ, შესაძლოა, გადაწყვიტონ, უარი თქვან დავალებაზე და სხვა შეკვეთებზე კონცენტრირდნენ.

ლოდინის ხანგრძლივი დრო, ასევე, ამცირებს შეკვეთების ადგილზე მიტანისთვის ხელმისაწვდომი კურიერების რაოდენობას, რაც, თავის მხრივ, უარყოფითად აისახება როგორც სხვა ობიექტებზე, ისე მთლიანად პლატფორმაზე, რადგან ნაკლები შეკვეთის მიტანა ხდება შესაძლებელი.

როგორ შევინარჩუნო „თავიდან აცილებადი მოცდის დროის“ დაბალი მაჩვენებელი?

დროულად მოამზადეთ შეკვეთები

• ჩვენი ალგორითმი ავტომატურად ითვლის, როდის ჯობს, კურიერმა შეკვეთას წამოსაღებად მიაკითხოს და სწორედ ამის მიხედვით აძლევს მას დავალებას. ნუ დაელოდებით კურიერის მოსვლას, შეკვეთის მომზადება რომ დაიწყოთ. თუ კურიერი შეკვეთას მომზადების შეთანხმებულ დროზე ადრე მოაკითხავს, ნუ ღელავთ, ის არ ჩაითვლება „თავიდან აცილებად მოცდის დროდ“.
• როცა შეკვეთის შესრულებას დაეთანხმებით, შეკვეთების აპლიკაციაში დარჩენილი დროის უკუთვლა დაიწყება. აღნიშნული დროის გასვლის შემდეგ მოცდის დრო ჩაითვლება თავიდან აცილებადად. ყოველივე ეს დაგეხმარებათ, დარწმუნდეთ, რომ შეკვეთები დროულად მზადდება, საჭიროებისამებრ კი სამზარეულოს მუშაობაში სათანადო ცვლილებები შეიტანოთ.

თუ შეკვეთის მოსამზადებლად მეტი დრო გჭირდებათ, გაახანგრძლივეთ მისი მომზადების დრო

• როცა შეკვეთას იღებთ, მისი მომზადების დრო პროგნოზირდება ადრინდელი სტატისტიკური მონაცემების მიხედვით. სანამ შეკვეთის შესრულებას დაეთანხმებოდეთ, შეკვეთების აპლიკაციიდან შეგიძლიათ მისი მომზადების დროის ჩასწორება.
• თუ მომზადების დროს გაზრდით, კურიერიც უფრო გვიან მოაკითხავს შეკვეთას და მომხმარებლებსაც ეცოდინებათ, რომ მეტი დრო გჭირდებათ.

გახსოვდეთ, რომ მომზადების დროის შეცვლა შეგიძლიათშეკვეთის შესრულებაზე თანხმობის განცხადებამდე და არა ამის შემდეგ.

შენიშვნა: ეს ფუნქცია ეტაპობრივად ყველა პარტნიორისთვის გახდება ხელმისაწვდომი. თუ ის თქვენთვის ჯერ მიუწვდომელია, დაელოდეთ სიახლეებს.

თუ თქვენი ობიექტი გადატვირთულია, აცნობეთ მომხმარებლებს, რომ მეტი დრო გჭირდებათ

• თუ უჩვეულოდ ბევრ შეკვეთას იღებთ და დრო გჭირდებათ, მუშაობის ჩვეულ რეჟიმს რომ დაუბრუნდეთ, შეკვეთების აპლიკაციაში შეგიძლიათ გააქტიუროთ „დატვირთული რეჟიმი“.
• „დატვირთული რეჟიმის“ მოქმედების პერიოდში შემოსული ყველა ახალ შეკვეთისთვის გათვალისწინებული იქნება მომზადების დამატებითი დრო, ხოლო შეკვეთების ადგილზე მიტანის დრო შესაბამისად ჩასწორდება თქვენი ობიექტისთვის. ჩვენი ალგორითმი, ასევე, შესაბამისად განსაზღვრავს დროს, როცა კურიერებმა ახალ შეკვეთებს უნდა მოაკითხონ.

შენიშვნა: ეს ფუნქცია ეტაპობრივად ყველა პარტნიორისთვის გახდება ხელმისაწვდომი. თუ ის თქვენთვის ჯერ მიუწვდომელია, დაელოდეთ სიახლეებს.

დაასრულეთ მომზადება? შეგვატყობინეთ, რომ კურიერი უფრო ადრე გამოვუშვათ.

თუ შეკვეთის მომზადების განსაზღვრულ დროზე ადრე დაასრულებთ, შეკვეთების აპლიკაციაში შეგიძლიათ გამოიყენოთ ღილაკი [შეკვეთა მზადაა] . ღილაკის გამოყენების შემთხვევაში კურიერს უფრო ადრე გამოვგზავნით, რაც შეამცირებს შეკვეთის ადგილზე მიტანის საერთო დროს.

როგორ გავაკონტროლო „თავიდან აცილებადი მოცდის დრო“?

„თავიდან აცილებადი მოცდის დროის“ შესახებ ინფორმაციის პოვნა შეგიძლიათ Manager Portal‑ის „ოპერაციების“ სექციიდან. „თავიდან აცილებადი მოცდის დრო“, ასევე, აისახება ყველაზე პოპულარულის სტატუსის მოპოვების შესაძლებლობაზე.