პროდუქტის ხელმისაწვდომი ფასების მნიშვნელობის შესახებ Glovo-ს პლატფორმებზე

იცით, რა გავლენა აქვს Glovo-ზე პროდუქტის ფასებს მომხმარებლის ქცევასა და თქვენს გაყიდვებზე?

ჩავატარეთ სიღრმისეული კვლევა ჩვენს პლატფორმაზე ფასების ხელმისაწვდომობის შესახებ და გვსურს, მისი შედეგები თქვენც გაგიზიაროთ. 

მაღალი ფასების რისკი 

1. თქვენი რეპუტაცია საფრთხეშია. 

მაღალი ფასები თქვენს მომხმარებლებს ხელს უშლის, უფრო ხშირად შეუკვეთონ თქვენი რესტორნიდან. ისიც გაითვალისწინეთ, რომ მომხმარებლებისთვის უცნობია, როგორ მუშაობს საკვების მიტანის აპლიკაციების ბიზნესმოდელი. შესაბამისად, არახელსაყრელი ფასების გამო, თქვენ დაგდებენ ბრალს. 

2. კარგავთ ერთგულ მომხმარებლებს.

თქვენი რეპუტაცია კითხვის ნიშნის ქვეშ დგება. არსებული ინფლაციის გამო, მომხმარებელთა უმეტესობა დაზოგვაზეა გადასული. ასე რომ, შესაძლებელია, საკვების მიტანის მომსახურებებზე ფული აღარც დახარჯონ. ასე თქვენი ბიზნესი Glovo-სთან ერთად განვითარების შანსს დაკარგავს. 

3. კარგავთ პოტენციურ მომხმარებლებს.

კონკურენტები იაფი პროდუქციით ყოველთვის გამოირჩევიან. Glovo-მ ბაზარზე სხვადასხვა ბიზნესისთვის კონკურენტუნარიანი გარემო შექმნა. სწორედ ეს არის იმის მიზეზი, რომ ყოველთვის მოიძებნება მსგავსი ობიექტები, რომლებიც იმავე პროდუქტებს უკეთეს ფასად და უკეთესი პრომოაქციებით შესთავაზებენ მომხმარებელს, რომელსაც თქვენი ობიექტიდან ჯერ არაფერი დაუგემოვნებია.   

პროდუქტის ფასების განახლების მიზეზები 

მომხმარებლებისთვის უკეთესი ფასების შეთავაზებას თქვენთვისაც აშკარა სარგებელი მოაქვს. 

1. თქვენი გაყიდვებისა და შეკვეთების რაოდენობა Glovo-ზე 18%-მდე გაიზრდება.
2. თქვენი მომხმარებლები უფრო ხშირად შეუკვეთავენ თქვენი ობიექტიდან.
3. გექნებათ შანსი, გახდეთ ყველაზე პოპულარული სტატუსის მქონე Glovo-ში. 

იყოთ ყველაზე პოპულარული Glovo-ზე, ნიშნავს, ისარგებლოთ შემდეგი უპირატესობებით: 

1. თქვენი ობიექტი Glovo-ს აპლიკაციის ყველაზე პოპულარულის კარუსელში გამორჩეულ ადგილს დაიკავებს, რომელსაც გვერდით სპეციალური ნიშანი ექნება. 
2. მომხმარებელთა აპლიკაციაში უკეთესი განთავსება გექნებათ, რაც გაზრდის მომხმარებლებისგან უფრო მეტი შეკვეთის მიღების შანსებს.  
3. გექნებათ წვდომა „პრომოაქციებისა“ და „რეკლამის“ განყოფილებებზე Manager Portal-ში, რაც დაგეხმარებათ, გაზარდოთ შეკვეთების რაოდენობა.

როგორ შემიძლია ჩემი პროდუქტების ფასების შეცვლა? 

პროდუქტის ფასის განახლება შეგიძლიათ როგორც Orders აპში, ისე Manager Portal-ში. მეტი ინფორმაციის მისაღებად, წაიკითხეთ ეს სტატია.