როგორ მიიღოთ მაქსიმალური სარგებელი თქვენი Glovo-ს მენიუსაგან

იცით თუ არა, რომ პროდუქტებს, რომლებსაც ახლავს აღწერა, მომხმარებელი 7-8-ჯერ უფრო მეტად უკვეთავს, ვიდრე მათ, რომლებიც აღწერის გარეშეა?

მკაფიო, მიმზიდველი აღწერა არის უმთავრესი რამ მიტანის აპლიკაციაზე თქვენი ობიექტის დაწინაურებისთვის. ამიტომაც გვსურს, დაგეხმაროთ საუკეთესო შედეგის მისაღებად. უმჯობესია, აღწერა არ შეიცავდეს 20-ზე მეტ სიტყვას და მისი მიზანი იყოს პროდუქტის გემოზე, ტექსტურაზე, მომზადების მეთოდსა ან წარმომავლობაზე ყურადღების გამახვილება. მაგალითად: „ცხარე ფრთები, შემწვარი ქათამი, მექსიკური ტაკო“.

უპასუხეთ ამ კითხვებს, რათა საუკეთესოდ წარმოაჩინოთ თქვენი კერძები!

• რომლებია ძირითადი ინგრედიენტები? ხაზი გაუსვით მთავარ ინგრედიენტებს, დარწმუნდით, რომ ახსენებთ კერძის ყველა შემადგენელ ნაწილს. დაიმახსოვრეთ, რომ „მრავალმარცვლოვანი პური და თაფლისა და მდოგვის სოუსი“ უფრო სასიამოვნოდ ჟღერს და თვალსაჩინოა, ვიდრე უბრალოდ „პური და სოუსი“.
• რამდენად დიდია თქვენი კერძი და რამდენ ერთეულს მოიცავს? მნიშვნელოვანია, მიუთითოთ რაოდენობა, რათა მომხმარებლებს საუკეთესო გადაწყვეტილების მიღებაში დაეხმაროთ. რაოდენობისთვის, წონისა და ზომებისთვის გამოიყენეთ აბრევიატურები. მაგალითად: „სპრინგ როლსი (3 ერთეული), ლიმონათი (330 მლ), ჰამბურგერი (200 გრ)“.
• გაქვთ თუ არა ლაქტოზას გარეშე/ვეგეტარიანული/ვეგანური/დაბალნახშირწყლოვანი ვარიანტები? გირჩევთ, მიუთითოთ, არის თუ არა პროდუქტები გლუტენის გარეშე, ვეგანური ან ლაქტოზის გარეშე. მომხმარებლები ამას დააფასებენ და უფრო მეტი შესაძლებლობაა, თქვენი პროდუქტები აირჩიონ. მაგალითად: ვეგანური ტოფუს პოკეს ჯამი ან ბანანისა და მარწყვის სმუზი ლაქტოზის გარეშე

გააუმჯობესეთ თქვენი კერძის აღწერა ოთხ დამატებით კითხვაზე პასუხის გაცემით.

რამდენად შესაძლებელია პროდუქტის გადაკეთება?
მაგალითად: აირჩიეთ მთავარი პროტეინი და დამატებითი ინგრედიენტები.

როგორ არის კერძი მომზადებული?
მაგალითად: ორთქლზე მოხარშული რავიოლი მოხრაკული სეზონური ბოსტნეულით.

აღწერეთ თქვენი კერძი!
მაგალითად: ტკბილი კენკრის სოუსი; ტექსტურა: ხრაშუნა „პანკოს“ ფილე; გემო: ციტრუსის ხილის გემოთი; შეფერილობა: ტროპეას წითელი ხახვი.

რა ხდის თქვენს კერძს უნიკალურს?
არ გამოტოვოთ შესაძლებლობა, აჩვენოთ მომხმარებლებს, თუ რა ხდის თქვენს კერძს უნიკალურს. მაგალითად: ტრადიციული ესპანური ტაპა, იტალიურ-იაპონური ნაზავი კერძები.

გახსოვდეთ, პროდუქტების ფოტოების დამატებით, თქვენს მენიუს უფრო მეტად მიმზიდველს გახდით

წარდგენა ძალიან მნიშვნელოვანია არჩევისას, თუ რა მივირთვათ: მიმზიდველი ფოტოების დამატება დაგეხმარებათ ბიზნესის გაზრდაში. პროდუქტებს, რომლებსაც ახლავს ფოტო, მომხმარებელი 3-ჯერ უფრო ხშირად უკვეთავს, ვიდრე მათ, რომლებიც ფოტოს გარეშეა.