Glovo-ს პლატფორმების განახლება რესტორნებისთვის

⚠️ მნიშვნელოვანია: გაითვალისწინეთ, რომ ეს ინფორმაცია განკუთვნილია მხოლოდ პარტნიორი რესტორნებისათვის, Glovo-ზე. თუ თქვენ პარტნიორი სასურსათო მაღაზია ან საცალო გაყიდვების მაღაზია ხართ, თქვენთვის შესაბამისი პლატფორმის განახლებების შესახებ შეიტყობთ ამ სტატიაში. 

Glovo-ში მუდმივად ვცდილობთ, გავაუმჯობესოთ ხელსაწყოები და მომსახურება, რომლებსაც გთავაზობთ. იმისთვის, რომ ჩვენ პლატფორმაზე უკეთესი პროდუქტები შემოგთავაზოთ, გვიწევს დროებითი ცვლილებების დანერგვა, რამაც შეიძლება, გავლენა იქონიოს თქვენს გამოცდილებაზე. 

ამ სტატიაში სწორედ ასეთ ცვლილებებს განვიხილავთ და დეტალურად აღგიწერთ თუ როგორ მოერგოთ მათ მარტივად, პრობლემების გარეშე.

ცვლილება 1: განყოფილება „ინვოისები“ Orders აპში

17 თებერვლიდან ინვოისები აღარ იქნება ხელმისაწვდომი უშუალოდ Orders აპპში. იმისათვის, რომ აპლიკაცია უფრო უსაფრთხო გახდეს, გადავწყვიტეთ, აღნიშნული ფუნქცია გამოგვერთო. მაგრამ თქვენ კვლავ მიიღებთ ინვოისებს ელექტრონული ფოსტით ანგარიშსწორების ყოველი ციკლის შემდეგ. 

📝 თუ გსურთ, შეცვალოთ ელფოსტის მისამართი, რომელზეც ინვოისებს მიიღებთ, გადადით Manager Portal-ის განყოფილებაში „ანგარიშის პარამეტრები“ და შეცვალეთ ქვე-განყოფილება „საკონტაქტო ინფორმაცია ინვოისებისთვის“. 

ამჟამად ვმუშაობთ Manager Portal-ის გაუმჯობესებაზე — ეს არის ხელსაწყო, რომელიც გეხმარებათ ბიზნესისა და ზრდის მართვაში. ბოდიშს გიხდით ნებისმიერი სახის შეფერხებისათვის და როგორც ყოველთვის, წინასწარ გაცნობებთ ნებისმიერი ცვლილების შესახებ.

ცვლილება 2: პროდუქციის ხელმისაწვდომობის ან ფასთა სხვაობის გამო გაუქმებული შეკვეთების დამუშავება

განუახლებელმა პროდუქციამ ან ფასებმა შეიძლება გამოიწვიოს შეკვეთის გაუქმება. დამტკიცებულია, რომ აღნიშნული შემთხვევა მომხმარებლისათვის ყველაზე ცუდი გამოცდილებაა, ამიტომ მის თავიდან აცილებას მაქსიმალურად უნდა ეცადოთ.

აქამდე, თუ თქვენ გქონდათ მიმდინარე შეკვეთა, მაგრამ ზოგი პროდუქტი არ იყო ხელმისაწვდომი ან პროდუქტის ფასი არასწორი იყო, გქონდათ სამი არჩევანი: 

• შეგეტანათ ცვლილებები Orders აპში. 
• გეთხოვათ კურიერებისთვის, ჩაესწორებინათ ფასი მათ აპლიკაციაში..
• დაგერეკათ ჩვენს მხარდაჭერის გუნდთან ნომერზე – 706706345 

17 თებერვლიდან, აღნიშნული ცვლილებების განხორციელება თავად მოგიწევთ, გამომდინარე იმ აპლიკაციიდან რომელსაც იყენებთ. სიტუაცია შეიძლება ორნაირად განვითარდეს: 

სიტუაცია 1: თქვენ ურეკავთ მომხმარებელს და ის გთანხმდებათ, მიიღოს შეკვეთა ხელმიუწვდომელი პროდუქტის გარეშე ან ის ჩანაცვლდეს მსგავსი ფასის სხვა პროდუქტით. 

სიტუაცია 2: ურეკავთ მომხმარებელს და მას სურს შეკვეთის გაუქმება. 

კიდევ რისი გაკეთება შეგიძლიათ?

ყველაზე მნიშვნელოვანია, რომ ხშირად განაახლოთ მენიუ Manager Portal-ის განყოფილებაში „მენიუ“.

აქედან შეძლებთ: 

✅ პროდუქტების რედაქტირებას მათი სახელის, აღწერილობისა და ფოტოს შეცვლით. 

✅ მიუწვდომელი პროდუქტების სამუდამოდ წაშლას.

✅ პროდუქტის ფასის შეცვლას. 

✅ პროდუქტის ჩართვას/გამორთვას. 

✅ პროდუქციის კატეგორიების დამატებას/რედაქტირებას/წაშლას. 

✅ პროდუქტების ვარიანტების (მახასიათებლების) დამატებას/რედაქტირებას/წაშლას. 

ცვლილება 3: მომხმარებლებისთვის თანხის დაბრუნების მტკიცებულება Manager Portal-ში

17 თებევრლიდან, Manager Portal-ის განყოფილებაში „შეკვეთების ისტორია“ ვეღარ იხილავთ მომხმარებლების მიერ შეკვეთის თანხის დაბრუნების მოთხოვნის დასამტკიცებლად მოწოდებულ ფოტოებს. 

გვესმის, რომ იმის არცოდნამ, თუ რის საფუძველზე მოხდა მომხმარებლისთვის თანხის დაბრუნება, შეიძლება გამოიწვიოს დამატებითი კითხვები. აღნიშნულ კითხვებზე პასუხის მისაღებად დაუკავშირდით ჩვენს მხარდაჭერის გუნდს — Manager Portal-ის განყოფილებაში „შეკვეთების ისტორია“, დააწკაპუნეთ ღილაკზე „ამ შეკვეთასთან დაკავშირებით დახმარება მჭირდება“.

ცვლილება 4: სამუშაო საათების რეგულირება 

ვინაიდან Orders აპს მალე ჩაანაცვლებს GoDroid, უნდა დავარეგულიროთ თქვენი სამუშაო საათები, რათა დავრწმუნდეთ, რომ თქვენ გექნებათ მომხმარებლების ბოლო შეკვეთების მომზადების დრო. 

ობიექტის დახურვამდე 30 წუთით ადრე მომხმარებლები Glovo-ს აპში ვეღარ ნახავენ, რომ თქვენი ობიექტი ღიაა — ეს საკმარის დროს მოგცემთ, რომ დაასრულოთ ბოლო შეკვეთა. აღნიშნული არ ცვლის დღის განმავლობაში მომსახურების ჯამური საათების რაოდენობას. ამას მხოლოდ მომხმარებელი ხედავს.

გრაფიკში რაიმე ცვლილებების შეტანა არ დაგჭირდებათ, ამაზე ჩვენ ვიზრუნებთ.  

გვესმის, რომ ახალ ცვლილებებთან შეგუება შეიძლება რთული იყოს, ჩვენ მაქსიმალურად ვეცდებით, დაგეხმაროთ ამ გარდამავალი ეტაპის გადალახვაში. მადლობას გიხდით გულისხმიერებისთვის და ვემზადებით, სხვა განახლებები წარმოგიდგინოთ უახლოეს კვირებში. არ გამოტოვოთ სიახლეები, რომლებიც, ჩვენი აზრით, საგრძნობლად გააუმჯობესებს თქვენს გამოცდილებას ჩვენს მომსახურებებთან.