Glovo-ს პლატფორმების განახლება სასურსათო და საცალო პარტნიორებისთვის

⚠️ მნიშვნელოვანია: გაითვალისწინეთ, რომ ეს ინფორმაცია განკუთვნილია მხოლოდ Glovo-ს სასურსათო და საცალო პარტნიორებისთვის. თუ მართავთ რესტორანს, წაიკითხეთ რესტორნებისთვის განკუთვნილი პლატფორმების განახლებების შესახებ ამ სტატიაში. 

Glovo-ში მუდმივად ვცდილობთ, გავაუმჯობესოთ ის ხელსაწყოები და მომსახურება, რომლებსაც გთავაზობთ. თქვენთვის უკეთესი პროდუქტის შემოთავაზება რომ შევძლოთ, ვიწყებთ ცვლილებებს, რამაც შესაძლოა გავლენა მოახდინოს თქვენს გამოცდილებაზე. 

ამ სტატიაში გაგაცნობთ აღნიშნულ ცვლილებებს და მოგაწვდით დეტალურ ინსტრუქციას, თუ როგორ ადაპტირდეთ მათთან მარტივად.

ცვლილება 1: შეკვეთების გაუქმების მართვა პროდუქტის ხელმისაწვდომობის ან ფასის შეცდომის გამო

თუ მიმდინარე შეკვეთის აგროვების დროს აღმოაჩინეთ, რომ რომელიმე პროდუქტი არაა ხელმისაწვდომი: 

1️⃣ დაურეკეთ მომხმარებლებს და შესთავაზეთ ალტერნატივა. 

2️⃣ იმისთვის, რომ მიმდინარე შეკვეთაში პროდუქტები ჩაანაცვლოთ/ამოიღოთ/შეცვალოთ, დააწკაპუნეთ ღილაკზე „რედაქტირება“ დადასტურებული შეკვეთისთვის, Orders აპში.

3️⃣ გამორთეთ მიუწვდომელი პროდუქტები Orders აპის „პროდუქტების“ განყოფილებაში, დააწკაპუნეთ პროდუქტზე და შემდეგ „გამორთვის“ ღილაკზე. 

თუ მომხმარებელი არ ეთანხმება ცვლილებებს ან შეკვეთის ფასი არასწორია, შეკვეთის გასაუქმებლად დაურეკეთ ჩვენს მხარდაჭერის გუნდს ნომერზე – 706706345.

⛔ გთხოვთ, ნუ მიანდობთ კურიერს ამგვარი შეკვეთების დამუშავებას, რადგან ისინი ვერ შეძლებენ შეკვეთის შეცვლას თავიანთ აპლიკაციაში. 

აქვე აღვნიშნავთ, რომ ეს გადაწყვეტა დროებითია და ვგეგმავთ, რომ მიმდინარე შეკვეთების დამუშავება უფრო მოქნილი გავხადოთ. დამატებით ინფორმაციას მალე მოგაწვდით!

ცვლილება 2: „ინვოისების“ განყოფილება Orders აპში

17 თებერვლიდან ინვოისები აღარ იქნება ხელმისაწვდომი Orders აპში. აპლიკაციის უსაფრთხოების გაუმჯობესების მიზნით, გადავწყვიტეთ ამ წვდომის გაუქმება. მაგრამ ინვოისებს კვლავ მიიღებთ ელფოსტით ანგარიშსწორების ყოველი ციკლის შემდეგ. 

📝 თუ გსურთ, შეცვალოთ ელფოსტის მისამართი, სადაც ინვოისებს მიიღებთ, გადადით Manager Portal-ის განყოფილებაში „ანგარიშის პარამეტრები“ და შეცვალეთ ქვე-განყოფილება „საკონტაქტო ინფორმაცია ინვოისებისთვის“. 

ამჟამად ვმუშაობთ Manager Portal-ის გაუმჯობესებაზეც.  აღნიშნული ხელსაწყო გეხმარებათ თქვენი ბიზნესის ზრდასა და მის ეფექტურ მართვაში. გთხოვთ, მოთმინება გამოიჩინოთ, სანამ განახლება დასრულდება. როგორც ყოველთვის, ნებისმიერი ცვლილების შესახებ ინფორმაციას წინასწარ მოგაწვდით.

ცვლილება 3: სამუშაო საათების კორექტირება 

როგორც იცით, Orders აპს მალე ჩაანაცვლებს GoDroid. ამიტომ საჭიროა თქვენი სამუშაო საათების კორექტირება, რათა საკმარისი დრო გქონდეთ ბოლო შეკვეთების მოსამზადებლად. 

ობიექტის დახურვამდე 30 წუთით ადრე მომხმარებლები Glovo-ს აპში ვეღარ ნახავენ, რომ თქვენი ობიექტი ღიაა — ეს საკმარის დროს მოგცემთ, რომ დაასრულოთ ბოლო შეკვეთა.  აღნიშნული არ ცვლის დღის განმავლობაში მომსახურების ჯამური საათების რაოდენობას. ამას მხოლოდ მომხმარებელი ხედავს.

გრაფიკში რაიმე ცვლილებების შეტანა არ დაგჭირდებათ, ამაზე ჩვენ ვიზრუნებთ.  

გვესმის, რომ ახალ ცვლილებებთან შეგუება შეიძლება რთული იყოს, ჩვენ მაქსიმალურად ვეცდებით, დაგეხმაროთ ამ გარდამავალი ეტაპის გადალახვაში. მადლობას გიხდით გულისხმიერებისთვის და ვემზადებით, სხვა განახლებები წარმოგიდგინოთ უახლოეს კვირებში. არ გამოტოვოთ სიახლეები, რომლებიც, ჩვენი აზრით, საგრძნობლად გააუმჯობესებს თქვენს გამოცდილებას ჩვენს მომსახურებებთან.

ცვლილება 4: მომხმარებლებისთვის თანხის დაბრუნების მტკიცებულება Manager Portal-ში

17 თებევრლიდან, Manager Portal-ის განყოფილებაში „შეკვეთების ისტორია“ ვეღარ იხილავთ მომხმარებლების მიერ შეკვეთის თანხის დაბრუნების მოთხოვნის დასამტკიცებლად მოწოდებულ ფოტოებს. 

გვესმის, რომ არასასიამოვნოა, როდესაც არ იცით, რის საფუძველზე გაიცა ანაზღაურება მომხმარებელზე. ✅ ამიტომ, თუ ეჭვი გექნებათ გაცემულ ანაზღაურებაზე, დაუკავშირდით ჩვენს მხარდაჭერის გუნდს — დააწკაპუნეთ ღილაკზე „ამ შეკვეთასთან დაკავშირებით დახმარება მჭირდება“ Manager Portal-ის განყოფილებაში „შეკვეთების ისტორია“.

ცვლილება 5: Manager Portal-ში თქვენი კატალოგის მართვის ახალი პროცესი

ვინაიდან რამდენიმე თვეში ახალ პორტალზე გადავდივართ, Manager Portal-ის „მენიუს“ განყოფილებაში ამ პერიოდის მანძილზე იხილავთ ამ ორ ცვლილებას:

1️⃣ დამოუკიდებლად შეძლებთ განაახლოთ ფასები და პროდუქტების ხელმისაწვდომობა. ამ შემთხვევაში ასე უნდა მოიქცეთ: 

• აირჩიეთ ადგილმდებარეობა, რომლისთვისაც გსურთ მენიუს განახლება. 
• „CSV-ის ფორმატით ჩამოტვირთვა“ ღილაკზე დაჭერით ჩამოტვირთეთ კატალოგი. 
• გადმოწერილ CSV ფაილში შეიტანეთ საჭირო ცვლილებები შესაბამისი პროდუქტების სვეტებში „ფასი“ ან/და „ხელმისაწვდომობა“. 
• ატვირთეთ განახლებული CSV ფაილი ღილაკზე „CSV ფაილის ატვირთვა“ დაჭერით. 

2️⃣ კატალოგში სხვა ცვლილებების შესატანად უნდა დაუკავშირდეთ ჩვენს მხარდაჭერის გუნდს. 

• „მენიუს“ განყოფილებაში იხილავთ ბმულს „მხარდაჭერასთან დაკავშირება“. 
• ასევე, შეგიძლიათ გადახვიდეთ Manager Portal-ის განყოფილებაში „დახმარება“, დააჭიროთ ღილაკზე „შექმნა“ და აირჩიოთ მიზეზი „პროდუქტების ან მენიუს განახლება“.