ოპერაციული ეფექტიანობა და მარკეტინგი - საქართველო
Glovo For partners

დახმარება და ხშირად დასმული კითხვები - ოპერაციული ეფექტიანობა და მარკეტინგი

დაათვალიერეთ ჩვენი სახელმძღვანელოები, რჩევები და საგანმანათლებლო რესურსები პარტნიორებისთვის.

ოპერაციული ეფექტიანობა და მარკეტინგი

გთავაზობთ რეკომენდაციას, რაც მისცემს ალგორითმს საკმარის „სამოძრაო ადგილს“, რათა იპოვოს შესაფერისი მომხმარებლები თქვენი ობიექტისთვის. რაც უფრო მაღალია ლიმიტი, მით უკეთ შევძლებთ ვიპოვოთ და მივმართოთ სწორ მომხმარებელს.
შენიშვნა: შესაძლოა, ავტომატურად დავარეგულიროთ თქვენი დღიური ლიმიტი, მომხმარებელთა მოთხოვნის შესაბამისად, თუმცა, ასეთი გადაჭარბება არ იქნება არსებულ ლიმიტზე ორჯერ მეტი. ეს იმისთვის ხდება, რომ მიიღოთ საუკეთესო შემოსავალი რეკლამებზე დახარჯული თანხიდან (ROAS)

გირჩევთ, ლიმიტი იყოს Glovo-თი გამომუშავებული თვიური შემოსავლების, სულ მცირე, 10%, ვინაიდან, ჩვენი პლატფორმა გეხმარებათ დაბრუნების მაქსიმალურად გაზრდაში, რათა ყოველთვის ჩადებულ თანხაზე მეტი შემოსავალი გქონდეთ. ხოლო თუ თქვენი ხარჯები აღემატება შემოსავლებს, გადასახადს შეგიჩერებთ, სანამ იმდენს არ გამოიმუშავებთ, რომ ხარჯები დაფაროთ და დადებითი დაბრუნება მიიღოთ.

ჩვენი სისტემა გულისხმობს ფასის ავტომატურად შეთავაზებას, სადაც Glovo ავტომატურად განსაზღვრავს ყველაზე კონკურენტულ ფასს თქვენთვის, დადებითი ანაზღაურების უზრუნველსაყოფად. თქვენი შეთავაზებული ფასი დროის განმავლობაში დარეგულირდება, რაც უზრუნველყოფს მის კონკურენტულობას, ზედმეტი დანახარჯების გარეშე. თქვენი ბიუჯეტი არის ის ჯამური ოდენობა, რის გადახდაზეც თანახმა ხართ ყოველდღიური დაწკაპუნებებისთვის. ბიუჯეტის განსაზღვრა შეზღუდავს თქვენს დანახარჯებს — ამგვარად თქვენ სრულად გააკონტროლებთ რეკლამის ხარჯებს.

ყოველ ჯერზე, როცა მომხმარებელი იყენებს აპლიკაციას ან რამეს ეძებს, ჩვენ განვსაზღვრავთ თუ რომელი რეკლამა ვუჩვენოთ მას, ყველა შესაბამისი რეკლამის რეიტინგის მიხედვით, შეთავაზებული ფასისა და ხარისხის ქულიდან გამომდინარე. რეკლამა, რომელსაც უმაღლესი შეთავაზებული ფასისა და ხარისხის ქულა აქვს, იქნება გამარჯვებული.

დიახ, შეგიძლიათ რეკლამა პრომოაქციის პარალელურად გაუშვათ. მეტიც, ეს რეკომენდებულიც კია, ვინაიდან რეკლამა დაგაკავშირებთ მეტ მომხმარებელთან, ხოლო პრომოაქციები მათ თქვენგან შეკვეთის დამატებით სტიმულს მისცემს. თუ მომხმარებელი დააწკაპუნებს თქვენს რეკლამაზე, ამ რეკლამაზე დაწკაპუნების საფასური ჩამოგეჭრებათ.

არა, ჩვენ არ მოგთხოვთ რაიმე დამატებითი საფასურის გადახდას თქვენს ობიექტზე პრომოაქციის შექმნისთვის. თქვენ მხოლოდ იმ ხარჯებს დაფარავთ, რომლებიც დაკავშირებულია თქვენი პრომოაქციების საშუალებით მომხმარებლებისთვის განსაზღვრულ ფასდაკლებებთან. ამასთანავე, შეგიძლიათ განსაზღვროთ პრომოაქციისთვის განკუთვნილი ბიუჯეტი. პრომოაქცია შეჩერდება ბიუჯეტის 90%-ის დახარჯვის შემთხვევაში.

პრომოაქციები პარტნიორებისთვის ერთ-ერთი უმთავრესი ხელსაწყოა, რომელიც Glovo-ზე ბიზნესის ზრდისა და ახალი მომხმარებლების მოზიდვის საშუალებას იძლევა. საშუალოდ, პარტნიორებმა გააორმაგეს თავიანთი შეკვეთები ხოლო, პრომოაქციების წყალობით, მათ ობიექტზე ვიზიტები გასამმაგდა.

თუმცა, გაითვალისწინეთ, რომ პრომოაქციებს განსხვავებული შედეგი შეიძლება ჰქონდეს, რაც დამოკიდებულია შემდეგზე:

  • პრომოაქციის სახეობა: პარტნიორებს შეუძლიათ გამოიყენონ პროდუქტის ან მიტანის პრომოაქცია, მათი სტრატეგიიდან და საჭიროებებიდან გამომდინარე
  • რამდენად მიმზიდველი პროდუქტებია პრომოაქციაში
  • პრომოაქციის ხანგრძლივობა და დრო

ამჟამად, უშუალოდ Manager Portal-იდან შეძლებთ მომდევნო ტიპის კამპანიების შექმნას:

  • უფასო მიტანა: მომხმარებელი მიიღებს საკვებს/პროდუქტს მიტანის საფასურის გარეშე
  • ფიქსირებული მიტანა: მომხმარებელი გადაიხდის მიტანის ფიქსირებულ საფასურს (ნაკლებს, ვიდრე სტანდარტული საფასური)
  • 2×1: მომხმარებელი შეიძენს ერთ პროდუქტს, ხოლო მეორეს (იმავე პროდუქტს) უფასოდ მიიღებს. პროდუქტებზე ფასდაკლების პროცენტული მაჩვენებელი: მომხმარებელი გადაიხდის შემცირებულ ფასს
    პროდუქტებზე — მაგალითად, 20%-ით ნაკლებს რომელიმე პროდუქტზე ან მთელ მენიუზე.
  • კალათის მინიმალური ზომა: შეკვეთის მინიმალური ღირებულების განსაზღვრა, პრომოაქციის ამოქმედებისთვის.
  • პრომოაქცია მხოლოდ ახალი მომხმარებლებისთვის: ხილვადი იქნება მხოლოდ იმ მომხმარებლებისთვის, რომლებსაც თქვენი ობიექტიდან ჯერ არაფერი შეუძენიათ

აირჩიეთ ის, რომელიც ყველაზე მეტად შეეფერება თქვენი ბიზნესის საჭიროებებს!

  1. შედით Manager Portal-ში და გადადით ჩანართზე „პრომოაქციები“.
  2. შეარჩიეთ შესაქმნელი პრომოაქციის ტიპი და დააჭირეთ ღილაკზე „პრომოაქციის შექმნა“.
    საჭირო იქნება შემდეგი ინფორმაციის შეყვანა:
  •  ობიექტები, რომლებისთვისაც კამპანიის დაწყება გსურთ
  • პრომოაქციის მოქმედების პერიოდი (პრომოაქციის ხანგრძლივობა). ნაგულისხმევ პერიოდად ერთი კვირა განვსაზღვრეთ.
  • რომელ საათებში გსურთ პრომოაქციის ჩვენება Glovo-ს აპლიკაციაში (დღიური აქტიური საათები). თუ ველს არ შეავსებთ, პრომოაქცია მოქმედი იქნება თქვენი სამუშაო საათების შესაბამისად
  • %-იანი ფასდაკლების შეთავაზება/მიტანის საფასური (დამოკიდებულია არჩეულ პრომოაქციაზე)
  • ბიუჯეტის ლიმიტის განსაზღვრა (სურვილისამებრ)

პროცესის ეტაპობრივი ინსტრუქცია იხილეთ მოცემულ დოკუმენტში.

პრომოაქციების რაოდენობა შეუზღუდავია, დროის ერთსა და იმავე პერიოდის განმავლობაშიც კი. ერთადერთი გამონაკლისია %-იანი პრომოაქციები ერთსა და იმავე პროდუქტზე.

საკომისიო მხოლოდ დაკლებულ ფასებზე ვრცელდება. ეს ნიშნავს, რომ საკომისიოს გამოყენება მოხდება შეკვეთის ნეტო ღირებულების გათვალისწინებით (ნებისმიერი შეძენილი პროდუქტის ფასს გამოკლებული ნებისმიერი შეთავაზების ან ფასდაკლების ღირებულება).

თქვენ მას იხილავთ ინვოისში გადახდის კორექტირების სახით. თქვენ მხოლოდ იმ ხარჯს დაფარავთ, რომელიც ეხება თქვენი პრომოაქციების საშუალებით მომხმარებლისთვის განსაზღვრულ ფასდაკლებებს.

დიახ, კამპანიის შექმნისას შეგიძლიათ მიუთითოთ ბიუჯეტის მაქსიმალური ოდენობა, რომლის დახარჯვაც გსურთ ამ პრომოაქციაზე. ჩვენ ავტომატურად შევაჩერებთ პრომოაქციას, როგორც კი, ის ბიუჯეტის 90%-ს გადააჭარბებს.
ჩვენი რეკომენდაციაა, გამოყოთ მაქსიმალური ბიუჯეტი თქვენი ყოველთვიური გაყიდვების 10%-ის ოდენობით, რადგან ეს იმუშავებს, როგორც მარკეტინგული ინვესტიცია.

თქვენს დაფარვის ზონაში მოხვედრილი Glovo-ს ყველა მომხმარებელი შეძლებს, იხილოს და ისარგებლოს პრომოაქციებით, გარდა იმ შემთხვევისა, თუ პრომოაქცია მხოლოდ ახალი მომხმარებლებისთვის არის განსაზღვრული — ამ შემთხვევაში, მას მხოლოდ ის მომხმარებლები იხილავენ, რომლებსაც თქვენი ობიექტიდან ჯერ არაფერი შეუძენიათ.

სუპერპრომოებს აპლიკაციაში უფრო მეტი ხილვადობა აქვს: პრომოაქცია გამოჩნდება პრომოაქციების კედელზე, ხოლო ობიექტის ბარათზე აისახება სარეკლამო ნიშანი. მის შესაქმნელად, პრომოაქციაში შეტანილი პროდუქტების არჩევისას, არ დაგავიწყდეთ,
გაითვალისწინოთ შემდეგი:

  • პრომოაქციისთვის აირჩიეთ მინიმუმ 3 პროდუქტი, მათ შორის, ერთი ყველაზე გაყიდვადი პროდუქტი
  • თუ ყველაზე გაყიდვადი პროდუქტები არ გაქვთ, აირჩიეთ, სულ მცირე, 5 პროდუქტი.

სუპერპრომოებს უფრო მაღალი ხილვადობა აქვს აპლიკაციაში: პრომოაქცია გამოჩნდება პრომოაქციების განყოფილებაში და პრომოაქციის ყვითელ ნიშანს დაინახავთ თქვენი ობიექტის ბარათზე.
მის შესაქმნელად, პრომოაქციაში შეტანილი პროდუქტების არჩევისას, არ დაგავიწყდეთ შემდეგის გათვალისწინება:

  • პრომოაქციისთვის აირჩიეთ, მინიმუმ, 3 პროდუქტი, მათ შორის, ყველაზე გაყიდვადი პროდუქტი პროდუქტი
  • თუ ყველაზე გაყიდვადი პროდუქტები არ გაქვთ, აირჩიეთ, სულ მცირე, 5 პროდუქტი.
    გაზარდეთ თქვენი პროდუქტის პრომოაქციის შედეგები მაქსიმუმამდე, ამ სახელმძღვანელო მითითებების დაცვით!

„პრომოაქციების“ განყოფილებაში, რომელიც მდებარეობს Manager Portal-ში , შეძლებთ მოქმედი პრომოაქციების ნახვასა და მართვას, ასევე, პრომოაქციების სრული ისტორიის დათვალიერებას, ეფექტიანობის მონაცემების შემოწმებას, როგორიცაა ახალი მომხმარებლები, შეკვეთები და მთლიანი შემოსავალი პრომოაქციის ხანგრძლივობის განმავლობაში. პრომოაქციის პერიოდის ამოწურვისას ელფოსტაზე მიიღებთ წერილს, სადაც მოცემული იქნება ეფექტიანობის მეტრიკები.