როგორ მოიხმაროთ GoDroidGoDroid არის Android აპლიკაცია, რომლის მეშვეობითაც Glovo-ს პარტნიორები შეკვეთებსა და ყოველდღიურ აქტივობებს მართავენ. მომხმარებლებისთვის უკეთესი გამოცდილების უზრუნველყოფის მიზნით ამ აპლიკაციამ ჩაანაცვლა Orders აპი.
GoDroid-ის გამოყენების გასაცნობად გაეცანით შემდეგ სტატიებს ან უყურეთ ამ ვიდეოებს.
GoDroid-ს Glovo-ს პარტნიორებისთვის სამუშაო გამოცდილების გაუმჯობესების ბევრად მეტი პოტენციალი აქვს.
GoDroid აპლიკაცია უფრო შეუფერხებლად მუშაობს.
GoDroid-ს აქვს მრავალი ახალი ფუნქცია Glovo‑ს პარტნიორებისთვის, რომელთა ტესტირებასაც მალე დავიწყებთ.
ვინაიდან GoDroid აპლიკაცია განკუთვნილია მხოლოდ Android სისტემებისთვის, მასზე წვდომა შესაძლებელია:
Sunmi მოწყობილობაზე: GoDroid აპლიკაცია ავტომატურად გამოჩნდება. შესასვლელად უბრალოდ დააწკაპუნეთ ახალ აპზე.
სხვა Android მოწყობილობები: GoDroid-ზე გადასვლის დღეს ელფოსტით მიიღებთ შესვლისთვის საჭირო ელფოსტის მისამართს. ჩამოტვირთეთ აპლიკაცია ამ ბმულზე გადასვლით, დააყენეთ პაროლი და შედით აპლიკაციაში..
📝 შენიშვნა: იმისათვის, რომ GoDroid აპლიკაციია გამოყენება შეძლოთ, დარწმუნდით, რომ მოწყობილობაზე მინიმუმ 500 მბ თავისუფალი მეხსიერება გაქვთ. მაგალითად, შეგიძლიათ წაშალოთ Google Chrome აპლიკაცია; აირჩიეთ „პარამეტრები → აპლიკაცია→ Google Chrome → დეინსტალაცია/წაშლა“.
როდესაც პირველად შეხვალთ GoDroid-ში, აუცილებლად მექანიკურად დაუშვით წვდომა ზარებსა და მოწყობილობის მდებარეობაზე. ეს მნიშვნელოვანია, რათა აპლიკაციამ შეფერხებისა და ხარვეზების გარეშე იმუშაოს.
თუ GoDroid-ზე შესვლისას რაიმე პრობლემა შეგექმნათ:
დარწმუნდით, რომ მოწყობილობა, რომელზეც აპს იყენებთ, დაკავშირებულია WiFi-სთან.
გადატვირთეთ მოწყობილობა — ამისათვის, დააჭირეთ ჩართვისა და ხმის აწევის ღილაკებს ერთდროულად და არ აუშვათ მანამ, სანამ მოწყობილობა არ გამოირთვება. შემდგომ, მოწყობილობის ჩასართავად, კიდევ ერთხელ დააჭირეთ ჩართვის ღილაკს.
დარწმუნდით, რომ გაქვთ გადმოწერილი აპლიკაციის უახლესი ვერსია.
თუ სისტემაში შესვლას მაინც ვერ ახერხებთ, გაეცანით ხშირად დასმულ კითხვებს ლინკზე. და თუ საჭირო პასუხს ვერ მიაგენით, დაუკავშირდით ჩვენს მხარდაჭერის გუნდს.
თუ დახმარება დაგჭირდებათ, ჩვენი მხარდაჭერის გუნდი დაგეხმარებათ. აირჩიეთ ვარიანტი, რომელიც შეესაბამება თქვენს პრობლემას:
მიმდინარე შეკვეთების ან აპთან/მოწყობილობასთან დაკავშირებული პრობლემების შემთხვევაში:
სხვა შეკითხვები ხომ არ გაქვთ?
მარცხენა პანელზე შეხებით აირჩიეთ მენიუს ხატულა (სამი ჰორიზონტალური ხაზი)
აირჩიეთ განყოფილება „დახმარების ცენტრი“ .
დაწკაპუნებით აირჩიეთ „მხარდაჭერის ცენტრის გახსნა“.
აირჩიეთ „დახმარება მიმდინარე შეკვეთასთან დაკავშირებით“ ან „აპთან ან მოწყობილობასთან დაკავშირებული პრობლემები“.
შეხებით აირჩიეთ „ჩეთის დაწყება“.
💡წინა შეკვეთის არჩევის შემთხვევაში, შემოგეთავაზებათ Manager Portal-ის მეშვეობით შეტყობინების გაგზავნა.
დაგეგმილ გახსნის დრომდე 10 წუთით ადრე მიიღებთ შეხსენებას, რომ გააღოთ ობიექტი, რათა დაიწყოთ Glovo-ს მომხმარებლებისგან შეკვეთების მიღება.
👉 თუ გსურთ, შეცვალოთ თქვენი გაღების საათები, დააწკაპუნეთ მაღაზიის გამოსახულებაზე ეკრანის ზედა ნაწილში და დააჭირეთ ღილაკს „რედაქტირება“.
👉 თუ გჭირდებათ, რომ დროებით შეცვალოთ ხელმისაწვდომობის სტატუსი, დააწკაპუნეთ ობიექტის სტატუსს და აირჩიეთ „ დაკავებულის სტატუსი (30 წთ)“ ან „დღის ბოლომდე დახურვა“.
📝 შენიშვნა: ამ ვარიანტებიდან რომელიმეს არჩევისას, თქვენი უკვე დადასტურებული შეკვეთები არ გაუქმდება, მომხმარებლის საუკეთესო გამოცდილების უზრუნველსაყოფად. აუცილებლად მოამზადეთ ისინი და გადაეცით კურიერებს.
მას შემდეგ, რაც ობიექტის ხელახლა გასახსნელად მზად იქნებით, კვლავ დააწკაპუნეთ ობიექტის სტატუსის ღილაკზე.
თქვენი მაღაზიის გახსნის საათებისა და ხელმისაწვდომობის სტატუსის მართვის შესახებ მეტი ინფორმაციისთვის უყურეთ ამ ვიდეოს.
👉 ახალი შეკვეთის მიღებისთანავე გაიგებთ ხმოვან შეტყობინებას და დაინახავთ „პოპ-აპ“ შეტყობინებას, რომ დაიწყოთ შეკვეთების დადასტურება.
👉 განყოფილებაში „ახალი“ დააჭირეთ შეკვეთას მისი ინფორმაციის სანახავად და შემდეგ დააწკაპუნეთ ღილაკზე „შეკვეთის მიღება“. თუ Sunmi მოწყობილობას იყენებთ, ამ ღილაკზე დაჭერის შემდეგ ქვითარი ავტომატურად დაიბეჭდება.
👉 როცა შეკვეთა მომზადდება, დააჭირეთ შეკვეთას „მიღებული“ განყოფილებაში და დააჭირეთ ღილაკს „მიტანისთვის მზადაა“. ამგვარად თავიდან აიცილებთ შეკვეთის მიტანის პროცესში კურიერის შეფერხებას.
მიმდინარე შეკვეთების მართვის ან მათი გაუქმების გასაცნობად უყურეთ ამ ვიდეოს.
მომხმარებლისთვის შეკვეთის შეუფერხებლად მიტანის უზრუნველსაყოფად, კურიერმაც უნდა მიიღოს შეკვეთა მის აპში. სანამ ის ამას გააკეთებს და დაიწყებს სვლას თქვენი ობიექტისკენ, თქვენ შეგიძლიათ შეცვალოთ შეკვეთის მომზადების დრო. ამგვარად თავიდან აირიდებთ შეკვეთის მიტანის პროცესში კურიერის შეფერხებას.
დააჭირეთ შეკვეთას და შემდეგ წაღების სავარაუდო დროს ზედა მარჯვენა კუთხეში.
დაამატეთ ან მოაკელით წუთები, რათა დაარეგულიროთ შეკვეთის დრო.
შენახვის შემდეგ დაინახავთ კურიერის მოსვლის განახლებულ დროს.
თუ შეკვეთა დაადასტურეთ და მხოლოდ შემდგომ მიხვდით, რომ პროდუქტი, რომელიც მომხმარებელმა შეუკვეთა გამოგელიათ, ამ შეკვეთის შეცვლა მომხმარებლისთვის ალტერნატიული პროდუქტის შეთავაზებით შეგიძლიათ
დააწკაპუნეთ ახალ შეკვეთაზე და აირჩიეთ ღილაკი „მოდიფიკაცია“ ზედა მარჯვენა კუთხეში.
აირჩიეთ პროდუქტი, რომლის შეცვლაც გსურთ და დააჭირეთ ღილაკს „გაგრძელება“.
როცა ნახავთ ეკრანს, რომელზეც გამოსახულია მომხმარებლის სახელი და ტელეფონი, დაურეკეთ მას და გადაამოწმეთ, სურს თუ არა შეკვეთის გაგრძელება მიუწვდომელი პროდუქტის გარეშე ან სანაცვლოდ შესთავაზეთ მსგავსი პროდუქტი.
აირჩიეთ ქმედება, რომლის განხორციელებაც გსურთ:
„პროდუქტის ჩანაცვლება“: აირჩიეთ მომხმარებელთან შეთანხმებული შემცვლელი პროდუქტ(ებ)ი.
„გაგრძელება ჩანაცვლების გარეშე“: შეკვეთა ავტომატურად ახლდება, უბრალოდ ხელახლა დაბეჭდეთ ბილეთი და დაიწყეთ მისი მომზადება.
„შეკვეთის უარყოფა“.
თუ აირჩევთ ნივთის ჩანაცვლებას ან ჩანაცვლების გარეშე გაგრძელებას, შეკვეთა განახლდება და მოინიშნება, როგორც „დადასტურებული“.
🚨 იმისათვის, რომ თავიდან აიცილოთ შეკვეთები მიუწვდომელი პროდუქტებით და უზრუნველყოთ მაქსიმალური კომფორტი მომხმარებლებისთვის, განყოფილებაში „მენიუ“ გამორთეთ მიუწვდომელი პროდუქტები.
👉 გადადით GoDroid აპის განყოფილებაში „მენიუ“, სადაც იხილავთ პროდუქტების ხელმისაწვდომობას.
👉 მოძებნეთ პროდუქტები საძიებო ველის მეშვეობით.
👉 დააჭირეთ პროდუქტს, რომლის გამორთვაც გსურთ და შეცვალეთ მისი სტატუსი „დღეს მიუწვდომელია“ ან „მიუწვდომელია განუსაზღვრელი ვადით“.
მიუწვდომელი პროდუქტების გამორთვა რომ არ დაგავიწყდეთ, აპი გამოგიგზავნით მიუწვდომელი პროდუქტების შემოწმების შესახებ შეხსენებებს. დამტკიცებულია, რომ გაუქმებები მომხმარებლებისთვის ყველაზე ცუდი გამოცდილებაა, ამიტომაც აღნიშნულის თავიდან ასარიდებლად რეკომენდირებულია მენიუს ხშირი განახლება.
თუ გსურთ, დაამატოთ ახალი პროდუქტი ან შეცვალოთ ფასები, ამის გაკეთება შეგიძლიათ Manager Portal-ის განყოფილებიდან „მენიუ“.
თუ რაიმე მიზეზით ვერ ახერხებთ შეკვეთის მიწოდებას, შეგიძლიათ, უარი თქვათ მასზე, მხარდაჭერის გუნდთან დაკავშირების გარეშე.
დააჭირეთ სამ წერტილს ზედა მარჯვენა კუთხეში, შემდეგ აირჩიეთ „უარყოფა“.
მონიშნეთ უარყოფის მიზეზი. ასეთი მიზეზები შეიძლება იყოს: „ფილიალი დახურულია“, „მაღალი დატვირთულობა“ და „პროდუქტი მიუწვდომელია“.
„პროდუქტი მიუწვდომელია“ მიზეზის შემთხვევაში, დაინახავთ სხვა ფანჯარას, რომელიც მოგიწოდებთ დაუკავშირდეთ მომხმარებელს და შესთავაზოთ მას მსგავსი პროდუქტი ან მისცეთ არჩევანი, მიიღოს შეკვეთა მიუწვდომელი პროდუქტის გარეშე.
მომხმარებელთა კმაყოფილების უზრუნველსაყოფად მაქსიმალურად გირჩევთ – სცადოთ შეკვეთის შენარჩუნება. შეკვეთების შენარჩუნება საშუალებას გაძლევთ, უკეთ დააკმაყოფილოთ მომხმარებლის საჭიროებები, რაც განაპირობებს მეტ კმაყოფილებასა და ნდობას ჩვენი მომსახურების მიმართ.
განყოფილებაში „ბოლო შეკვეთები“ ნახავთ მიმდინარე და გასული დღის გაუქმებულ და დასრულებულ შეკვეთებს.
თითოეულ შეკვეთაზე დაწკაპუნებით შეძლებთ:
იხილოთ მომხმარებლის ინფორმაცია, პროდუქტების სია და შეკვეთის ჯამური ღირებულება.
ნახოთ გაუქმების მიზეზი.
ხელახლა დაბეჭდოთ ქვითარი.
თუ გსურთ უფრო ძველი შეკვეთების ნახვა, უნდა შეხვიდეთ Manager Portal-ზე და გადახვიდეთ განყოფილებაში „შეკვეთების ისტორია“.
“ბოლო შეკვეთები,” “მენიუ,” “პარამეტრები” და “დახმარების ცენტრი” განყოფილებების შესახებ ინფორმაციისთვის უყურეთ ამ ვიდეოს.
